Azərbaycanla İordaniya biznesin inkişafına dair sənədlər imzalayıb

Azərbaycan iş adamlarının İordaniyada işgüzar səfəri çərçivəsində Kiçik və Orta Biznesin İnkişafı Agentliyinin (KOBİA) ilə İordaniya İş Adamları Assosiasiyası arasında əməkdaşlığa dair Anlaşma Memorandumu imzalanıb.

Agentlikdən “APA-Economics”ə verilən məlumata görə, səfərin məqsədi iki ölkənin iş adamları və müvafiq qurumları arasında əlaqələrin genişləndirilməsi, birgə biznes və investisiya layihələrinin reallaşdırılması imkanlarının, ticarət əlaqələrinin inkişafı və İordaniya bazarına çıxış perspektivlərinin müvafiq qurumlarda müzakirə olunmasıdır.

Azərbaycan nümayəndə heyətinə biznes assosiasiyaların nümayəndələri, eləcə də kənd təsərrüfatı, qida, turizm, səhiyyə, təhsil sektorlarında fəaliyyət göstərən və idxal-ixrac əməliyyatları ilə məşğul olan iş adamları daxildir.

Səfər çərçivəsində KOBİA-nın İdarə Heyətinin sədri Orxan Məmmədov İordaniyanın investisiya naziri Xayri Amr ilə görüşüb. Qeyd olunub ki, Agentlik biznes və investisiya təşəbbüsləri ilə bağlı məlumat mübadiləsinə dair birgə əməkdaşlıq platformalarına, İordaniya iş adamlarının Azərbaycana işgüzar missiyasının təşkilinə və ölkəmizdə keçiriləcək sərgilərdə iştirakına dəstək göstərməyə hazırdır.

Potensial investisiya layihələrinin mübadiləsi və birgə müəssisələrin yaradılması imkanlarının nəzərdən keçirilməsində də KOBİA İordaniyanın müvafiq qurumları ilə əməkdaşlıqda maraqlıdır.

Öz növbəsində Xayri Amr əməkdaşlıq imkanlarına dair fikirlərini bölüşüb, gələcək birgə təşəbbüslərə dəstək verəcəyini bildirib.

Orxan Məmmədov və İordaniyanın Sənaye Palatasının sədri Fathi Al-Jagber arasında keçirilən görüşdə isə ticarət əlaqələrinə və bu istiqamətdə iş adamları arasında əməkdaşlıq perspektivlərinə dair fikir mübadiləsi aparılıb, Palatanın rəhbərliyi və İordaniya iş adamları Azərbaycana səfərə dəvət olunub. Görüş çərçivəsində Orxan Məmmədov və Fathi Al-Jagber əməkdaşlığa dair Anlaşma Memorandumu imzaladılar. Sənəd sahibkarlıq sahəsində məlumat və təcrübə mübadiləsi, iş adamları arasında əlaqələrin təşviqi, birgə tədbirlərin və görüşlərin, qarşılıqlı biznes missiyaların təşkili kimi məsələləri əhatə edir.

 

For the first time the Swiss State Secretart for Economic indicated that Uber taxi