“Atəşgah” Sığorta Şirkətinin topladığı sığorta haqları kəskin azalıb - MALİYYƏ VƏZİYYƏTİ

“Atəşgah” Sığorta Şirkəti 2020-ci ili 3 milyon 349 min manat xalis mənfəət ilə başa vurub. Halbuki, Şirkət 2019-cu ili 1 milyon 178 min manat xalis mənfəət ilə bağlamışdı. Beləliklə, illik müqayisədə “Atəşgah” Sığorta Şirkətinin xalis mənfəəti 2,8 dəfə artıb. Artımın səbəbi Şirkətin yığımlarının artırılması deyil, xərclərinin gəlirlərindən daha çox azaldımasıdır.

Marja şirkətin maliyyə heabatlarına istinadən xəbər verir ki, “Atəşgah” Sığorta Şirkətinin 2019-cu ildə 39 milyon 48 min manat təşkil etmiş cəmi gəlirləri 2020-ci ildə 32 milyon 661 min manata geriləyib (6 milyon 387 min manat və ya 16,3% azalıb). Şirkətin cəmi xərcləri isə 37 milyon 576 min manatdan 28 milyon 696 min manata düşüb (8 milyon 879 min manat və ya 23,6% azalıb).

2019-cu illə müqayisədə 2020-ci ildə “Atəşgah” Sığorta Şirkətinin topladığı sığorta haqları 11 milyon 571 min manat və ya 31,4% azalaraq 25 milyon 309 min manat təşkil edib. Şirkət 2019-cu ildə 36 milyon 880 min manat sığorta haqları toplamışdı.

2019-cu illə müqayisədə 2020-ci ildə “Atəşgah” Sığorta Şirkətinin həyata keçirdiyi sığorta ödənişləri isə 4 milyon 839 min manat və ya 25,2% azalaraq 14 milyon 323 min manat olub. Şirkət 2019-cu ildə 19 milyon 162 min manat sığorta ödənişləri həyata keçirtmişdi.

“Atəşgah” Sığorta Şirkəti təkrarsığortaya verilmiş sığorta haqları üzrə və işlərin aparılması üzrə xərclərini azaldıb.

For the first time the Swiss State Secretart for Economic indicated that Uber taxi